A Policía Local recibe formación en rescate acuático
O alcalde achegouse á instrución en rescate de persoas en medio acuático que está a recibir estes días a Policía Local. Caballero felicitou aos profesionais polo seu labor.
“Temos garantía de seguridade nas praias cos mellores policías e profesionais ben formados e magnífico material ao seu servizo”, dixo o rexedor.
Abel Caballero achegouse ata a praia de Samil para coñecer o curso que está a recibir a Policía Local sobre rescate de persoas en medio acuático. Alí valorou a tecnoloxía coa que traballan estes profesionais, entre o material os oficiais contan cun dron que pode traballar na auga: “Persoal ben preparado e tecnoloxía que aporta seguridade e rapidez de actuación”, explicou in situ.