O Marco celebra o seu vixésimo segundo aniversario cunha programación especial
O alcalde presentou este luns o programa especial de actividades organizadas a próxima fin de semana para conmemorar os 22 anos da creación e actividade cultural do Marco.
Abel Caballero avanzou hoxe que, con motivo da celebración o mércores 13 de novembro do vixésimo segundo aniversario da creación e actividade do Marco, a próxima fin de semana desenvolverase un programa de actividades especial. Será gratuíto e estará dirixido ao público de todas as idades.
O alcalde detallou que o sábado 16 está previsto o taller para público familiar “Paisaxe recortada, paisaxe habitada”, proposto por María Pereira e conducido por persoal da área de didáctica do museo. Terá lugar no espazo anexo de 11.30 a 13.30 horas da tarde.
A programación complétase con dous pases do espectáculo producido pola Fundación Igualarte, “Misturas”. O primeiro está previsto para o sábado 16 de 20.00 a 21.00 horas; e o segundo está programado para o domingo 17 de 12.00 a 13.00 horas da tarde.
Caballero recalcou que a participación en todo o programa especial é totalmente gratuíta.