O prototipo do vehículo colaborativo conectado fixo esta tarde unha proba real sobre as posibilidades que ofrece a nova tecnoloxía para a condución. Así o comprobou Abel Caballero quen se achegou a demostración realizada na zona da Gran Vía.
O goberno local outorgará 100.000 euros en achegas para a organización de actos sociais e encontros veciñais. Tal e como explicou Caballero, financiaranse cuestións como a instalación de carpas ou iniciativas como competicións ou xogos populares.
O rexedor e a concelleira de Atención á Cidadanía, Patricia Iglesias, visitaron este mércores as instalacións centrais da empresa "Rodavigo", situadas na parroquia de Bembrive. O director xeral, Nazario Correa, e o director financeiro, Óscar Correa, explicaron a Abel Caballero que a empresa, galardoada co Premio Ardán durante tres anos consecutivos, facturou en 2023 un total de 19 millóns de euros. A súa previsión é pechar este exercicio con 23 millóns e contan cunha carteira de máis de 8.000 clientes nun total de 115 países. Entre os 74 compoñentes do cadro de persoal atópanse 3 persoas con síndrome de Down e con diversidade intelectual, integrantes de Down Vigo. O rexedor congratulouse polo crecemento dunha empresa que leva o nome de Vigo por todo o mundo.
O alcalde de Vigo, Abel Caballero, presentou a décima edición do Torneo Movember, un triangular de rugby para equipos veteranos que comezará este sábado ás 11:00 horas no campus da As Lagoas, na cidade universitaria viguesa.