O Concello realiza un simulacro de evacuación do edificio
O persoal municipal tivo que abandonar no mediodía deste martes as instalacións tras a activación do sistema de alarma e megafonía alertando dun incendio na segunda planta, quedando concentrados na Praza do Rei. O obxectivo do simulacro era comprobar a efectividade da posta en marcha e o desenvolvemento dos avisos e dos equipos de intervención e evacuación do Concello.
