A mocidade viguesa contra a violencia sexual no Enlaza Vigo 2021
O alcalde sumouse esta mañá á reivindicación do alumnado de 41 centros de Secundaria da cidade que veñen participando nas actividades municipais con motivo do 25N, Día Internacional pola Eliminación da Violencia contra as Mulleres.
![O rexedor e a concelleira de Igualdade, Uxía Blanco, no desenvolvemento do acto](https://xornal.vigo.org/storage/images/opt/fG017fzzL1YM5RfCjOpDrcKnsNTnl5k1lV27xUU6.jpeg)
O Auditorio Municipal acolleu o acto institucional deo Enlaza Vigo no que participaron 13 centros de educativos, de forma presencial e virtual, compartindo os seus lemas contra a violencia sexual, que é o tema central que abordaron nas accións deste ano. A Praza do Rei acolleu carpas informativas e dúas exposicións itinerantes, unha delas no escenario do Auditorio.
Abel Caballero apuntou que desde o Concello “tratamos de mobilizar aos centros contra as violencias machistas, traballamos en 41 para identificar a violencia sexual, os factores que facilitan a normalización da violencia, abordar a intolerancia contra a violencia machista, identificar o que é a violencia sexual na rúa, no ocio, nas redes sociais e nas relacións afectivas”.
Amais, o Goberno municipal creo un punto lila de información e sensibilización sobre a violencia contra as mulleres e o alumnado gravou un vídeo colaborativo sobre “A mocidade viguesa contra a violencia sexual”.
![O rexedor e a concelleira de Igualdade, Uxía Blanco, no desenvolvemento do acto](https://xornal.vigo.org/storage/images/opt/fG017fzzL1YM5RfCjOpDrcKnsNTnl5k1lV27xUU6.jpeg)
![](https://xornal.vigo.org/storage/images/opt/JDmZMRAiRYCnhWY3mHDrqTCuF3HbIvDgUWcIXxf6.jpeg)
![](https://xornal.vigo.org/storage/images/opt/Chx7NVDYX27Ips4mwL81gs6AAe6mZfwCcuG6gBSh.jpeg)