Escoitar

Caballero entrega da bandeira de Vigo á numerosa representación do taekwondo local que vai ao Mundial de México

O alcalde de Vigo, Abel Caballero, e o concelleiro de Deportes, Manel Fernández, entregaron hoxe unha gran bandeira de Vigo aos deportistas dos ximnasios locais Tao e Kiap que van disputar o Campionato do Mundo de técnica en Aguascalientes (México).

xoves, 23 out 2014
1414068465taekwondo.JPG
Os taekwondistas, acompañados polos seus adestradores, foron recibidos en Alcaldía, onde lle entregaron un pequeno agasallo polo seu éxito clasificatorio -obtiveron o billete mundialista nos Nacionais de Marina D'Or, en Castellón. Ao longo da recepción, o alcalde interesouse polo tempo que adican aos adestramentos ("de dous a tres horas diarias", lle comentaron).

Caballero, que se recoñeceu "afeccionado ao fútbol", tamén lles explicou que "coñecín o taekwondo como alcalde", un deporte que polo seu desenvolvemento lle pereceu "fantástico". Ademais, indicoulles que para el xa era un "gran triunfo" que se gañasen a clasificación, o que repetiu porteriormente ante os medios de comunicación: "Non sabemos si van quedar campións, pero xa estamos cóbado con cóbado cos mellores e coas máis grandes cidades do mundo", indicou.

O rexedor desexou sorte aos vigueses (nunca se deu unha representación olívica tan numerosa) e destacou que esta arte marcial é "unha nobre disciplina e unha actividade deportiva que está adquirindo moita aceptación na cidade".

Andrea Vilas, Alejandro Losada, Manuel Jesús Rodríguez, Samuel Meilán e Lía de Araújo (Ximnasio Tao) e Lucía Penín (Kiap) competirán do 30 de outubro ao 2 de novembro en Aguascalientes (México).
Descargar todas as imaxes