Escoitar

Nova sesión dos "Cafés Literarios"

A profesora da Universidade de Vigo Mari A. Lires comentará o libro "Los hombres que no amaban a las mujeres" de Stieg Larsson durante a sesión dos "Cafés Literarios" que terá lugar o mércores 25 de abril de 18:00 a 20:00 horas no Centro de Documentación da rúa Joaquín Yáñez 6,2º andar. O club de lectura do Centro de Documentación e Recursos Feministas está formado por un grupo de persoas animadas polo gusto á lectura.

martes, 24 abr 2012
133526001709.jpg
O Club está constituido por un grupo estable e permanente de 20 persoas , inscritas previamente, que reciben en préstamo os libros incluídos na programación . A falta de asistencia a 2 sesións continuadas no trimestre supón a baixa no grupo permanente, puidendo asisitir ás sesións como grupo eventual. O grupo eventual e variable está formado por persoas que sen estar inscritas no Club desexan asistir ás sesións de xeito esporádico. Este grupo ten reservadas un máximo de 10 prazas nas sesións do Club.

O Club de Lectura realizará as sesións os últimos mércores de cada mes en horario de 18: 00 a 20: 00 horas. O programa componse dun libro / lectura cada mes

O Club de lectura do CDRF conta con relatoras diferentes para cada mes, mulleres escollidas dos distintos ámbitos sociais e culturais da cidade (mestras, profesoras universitarias, políticas, escritoras, sindicalistas, xornalistas...) As relatoras comentan os libros elexidos por elas mesmas (baixo o criterio de que as obras sexan de autoría feminina ou que teñan ás mulleres como tema principal) e a partir da presentación ábrese o faladoiro literario entre as e os participantes. As persoas participantes no Club asisten ás sesións do Cafés co libro lido.

O club de lectura do CDRF conta coa colaboración da asociación "Implicadas No Desenvolvemento" para a selección dalgunhas obras e relatoras.
Descargar todas as imaxes