A terceira edición do mercado de produtos tradicionais galegos do Casco Vello adíase ao domingo 10 de decembro
O mercado de produtos tradicionais galegos, que habitualmente se celebra os primeiros domingos de cada mes no Paseo de Alfonso adíase ata o vindeiro 10 de decembro de 11 a 14 horas. Segundo informa a Concellería de Patrimonio Histórico, a decisión de este aprazamento é debida ás malas condicións climatolóxicas previstas para ese día.
O obxectivo desta iniciativa, que xa leva dúas edicións celebradas, é dinamizar as mañás dos domingos no Casco Vello. Debido ao éxito acadado nas dúas convocatorias, tense incrementado paulatinamente o número de vendedores e artesáns participantes, entre os que se pode atopar produtos de horta ecolóxicos, tecidos artesanais, conservas ecolóxicas, pezas de coiro, xabróns artesanais, alimentos de comercio xusto, plantas aromáticas, cestos de vimbio e madeira tallada.
Ademais da celebración do mercado, e no mesmo horario, o Centro de Artesanía Tradicional ofrecerá actividades infantís de cómic e téxtil e obradoiros variados.
Ademais da celebración do mercado, e no mesmo horario, o Centro de Artesanía Tradicional ofrecerá actividades infantís de cómic e téxtil e obradoiros variados.