O alcalde anuncia unha actuación de emerxencia para mellorar a pista de atletismo de Castrelos
Abel Caballero visitou este martes o parque de Castrelos, onde anunciou unha actuación "inmediata" e de emerxencia para mellorar a pista de atletismo do parque, que consistirá en retirar as pedras e depositar un xabre máis fino. A longo prazo, o alcalde adiantou que a Concellería de Deportes elaborará un proxecto para adecuar o trazado ás necesidades dos deportistas. Caballero tamén informou da decisión municipal de abrir os vestiarios de modo "bastante frecuente".
