O concelleiro de Cultura, Xosé Carlos Arias e o director da Fundación Laxeiro, Javier Buján, presentaron hoxe o inicio das visitas didácticas á Fundación que realizarán alumnos de segundo e terceiro de primaria. Tratase dunha iniciativa que a Fundación Laxeiro pon en marcha este ano por primeira vez, pola que pasarán durante todo o curso, un total de 5.000 nenas e nenos.
O Concello elaborará un Plan Integral de Xuventude co que se pretende articular medidas que dean resposta ás inquedanzas e problemas da mocidade actual, polo que se creará unha Comisión Municipal Interdepartamental. O Concello considera oportuno este esforzo tendo en conta que o tramo de idade entre 14 e 30 anos representa máis do 25% da poboación total da sociedade viguesa.
Ante a celebración hoxe do " as entidades que compoñen o Plan Local sobre Drogodependencias e outras Adiccións de Vigo,fan un chamamento sobre a necesidade de informar á poboación en xeral sobre os efectos nocivos do xogo de azar.<br />
As dez da mañá do xoves día 30 reunese o Consello da Xerencia de Urbanismo no que se tratará, entre outros asuntos,o convenio de colaboración entre o Concello e Renfe para a construcción da nova estación de ferrocarril de Vigo, redordenación da praza da Estación e ordenación do seu ámbito.
Turismo de Vigo estará presente no Salón Náutico de Barcelona que se celebra entre os días 1 e 9 de novembro no recinto feiral de Montjuic. Vigo participará cun amplo espacio dentro do pavillón de Turgalicia, onde mostrará toda a súa oferta en xeral e a de turismo náutico en particular.
Os días 1 e 2 de novembro celebraranse as semifinais das V Xornadas de Danza e Música Tradicional" organizadas pola Concellería de Festas e Animación Sociocultural e a asociación cultural Interfloc, no Centro Cultural Caixanova ás 20.00 horas. A fase final terá lugar o día 16 de novembro coa actuación das seis mellores agrupacións.
O concelleiro de Patrimonio Histórico, Xosé Carlos Arias, asegura que o Casco Vello precisa dun mantemento constante para evitar procesos de degradación. Ao longo dun percorrido pola zona para detectar posibles problemas, Arias, que estivo acompañado por técnicos municipais, explicou que o obxectivo da visita era detectar hipotéticos puntos de deterioro para iniciar actuacións con urxencia.