martes, 28 outubro 2003

Sanidade revisa os cemiterios para a festividade de Tódolos Santos

A concelleira de Sanidade, Belén Sío, visitou hoxe os cemiterios municipais para coñecer o estado das obras que se realizaron este ano que consistiron fundamentalmente en ornato e axardinamento e adquisición de tapas para nichos. Son cemiterios municipais os de Pereiró, Lavadores, Teis, Beade, Bembrive, Candeán, Cabral e Zamáns. Os nichos propiedade do Concello son 2.345 e se alugan por un período de seis anos, prorrogable por 4 máis ata un máximo de 10 anos. O total de nichos entre particulares e concesións son 26.508.

1067347745cabral.jpg
1067351966xulio.jpg

O Concello pide colaboración cidadá no tráfico rodado en Travesía de Vigo

martes, 28 out 2003

O concelleiro de Tráfico, Xulio Calviño, pediu colaboración e comprensión ós cidadáns cara os problemas de tráfico que se presenta na travesía de Vigo ó entorno do novo hipermercado. Calviño salientou que ata o mes de abril, data prevista para o remate das obras do túnel subterráneo que se está acometendo na zona, a circulación será complicada xa que non se poden establecer rutas alternativas.

1067349008cat.jpg

O CAT expón en diferentes salóns de Galicia o seu labor na recuperación dos oficios tradicionais

martes, 28 out 2003

O Centro de Artesanía Tradicional (CAT) adscrito á Concellería de Patrimonio Histórico asistirá ó II salón de Turismo, Artesanía e Gastronomía, "ExpoGalaecia 2003" que se celebrará no Instituto Feiral de Vigo entre o 30 de outubro e o 2 de novembro. Tamén participará en "Galiemprego" que terá lugar en Santiago de Compostela do 13 ao 15 de novembro.