O Plan de infraestructuras deportivas Vigo 2002-2018 senta as bases para as actuacións no eido deportivo para os vindeiros 15 anos, constituíndo un instrumento racional de traballo cara a completar as dotacións da cidade. O concelleiro de Deportes, Santiago Domínguez, presentou o documento, que espera contar co consenso de entidades, clubes e grupos políticos no prazo de seis meses.
O Plan Comunitario Casco Vello, Asociación Galega de Lupus, Asociación de Familiares Galegos de Alzheimer (Afaga) o grupo Erva e a plataforma de voluntariado, que integra a máis de 30 colectivos, dispoñen de cadanseu espacio no Centro Cívico do Casco Vello para desenvolver as súas actividades.
O concelleiro de Cultura, Carlos Príncipe, e o presidente do R.C. Celta de Vigo, Horacio Gómez, presentaron unha nova tarxeta denominada Carné Celtista. No reverso do carné inclúese o logotipo de Verbum-Casa das Palabras de Vigo.
A "Obertura da frauta encantada", de Mozart, e "O carnaval dos animais", de Saint-Säens, constitúen o programa do concerto didáctico que a Escola municipal de música ofrecerá dentro de ¿Xogas?, en galego podemos o xoves 22 de maio ás 18:30 na Ludoteca de Lavadores.