Abel Caballero avanzou que a actuación, cun investimento de 178.150 euros, céntrase exclusivamente na fachada exterior co obxectivo de crear unha imaxe continua e uniforme que favoreza a integración deste ámbito nun espazo urbano de alto valor patrimonial.
O Concello destina 218.000 euros á creación de 13 murais e a recuperación doutros dous para seguir convertendo a cidade nun referente de arte urbana ao aire libre.
O domingo 1 de marzo VigoNature reabre as súas portas iniciando unha nova etapa como zona de ocio e espazo mediambiental. Incorpora oferta de actividades divulgativas e prácticas tanto para escolares como para familias; ademais de renovar a oferta de campamentos de Semana Santa e de verán, para facilitar a conciliación.
Abel Caballero destacou este xoves o nivel de “excelencia” na investigación científica mariña que se desenvolve en buques como o “Vizconde de Eza”, pertencente á Secretaría Xeral de Pesca de España, que este ano cumpre 25 anos de singradura, para “combater desde a ciencia ” o crecente negacionismo.
O alcalde deu conta esta mañá dunha nova edición da iniciativa municipal Coñece Vigo que organiza rutas saudables pola cidade para persoas maiores. As actividades comezarán en abril e a inscrición -gratuíta – estará dispoñible a partir do luns 2 de marzo a través do 010.
Abel Caballero saudou esta mañá aos organizadores e organizadoras do programa Mini Cross Vigo que nestes momentos están a ultimar a temporada 2026. Está previsto que este ano se organice o maior número de competicións da historia, cunha proba final en Castrelos.
Abel Caballero destacou esta tarde, no acto da entrega da Medalla de Ouro da Confederación de Empresarios de Pontevedra a Josep Oliu Creus, presidente do Banco Sabadell, o "acompañamento da entidade financeira" ás empresas de Vigo e de Galicia. "Os cidadáns de Vigo vemos no Sabadell un apoio e gústanos que haxa competencia e que desaparezan os monopolios tamén no ámbito financeiro". O premiado rememorou o nacemento en 1881 do Banco Sabadell, "apegado" ás empresas do territorio onde se implantou e destacou que este modelo que se mantivo no tempo en Galicia co Sabadell-Gallego, e incidiu en que "o banco tiña que seguir só para manter a competitividade". Pola súa banda, Jorge Cebreiros, presidente da CEP, agradeceu a Oliu a defensa dun "modelo financeiro plural e competitivo" que apoia ás empresas galegas.