Abel Caballero visitou o operativo da Policía Local despregado no Monte Cepudo con 3 drons que permiten vixiar os montes de Vigo a quilómetros de distancia. O retén de bombeiros da cidade que saíu onte traballou no incendio forestal de Ribadavia. Esta mesma tarde saíu outro retén cara á mesma localidade.
Os xardíns do Pazo de Castrelos serán escenario, durante os venres e sábados do 22 de agosto ao 6 de setembro, do ciclo de cinema ao aire libre “Era unha vez nunha mansión británica...”. As proxeccións das seis películas, que comezarán ás 22:00 horas, serán de acceso libre e totalmente gratuíto ata completar o aforo.
Abel Caballero saudou hoxe a Jorge Soto, único deportista galego que participa na selección sub-16 de Voleibol. Este vigués de 14 anos, que actualmente xoga no equipo Voleibol Vigo, disputou coa selección española o campionato europeo de voleibol en Armenia quedando subcampioa europea e logrando a clasificación para o mundial nesta categoría.