O Concello mantén a vixilancia e envía un novo retén á loita contra os incendios
O comité asesor do Plan de Emerxencia Municipal, dirixido polo alcalde, reuniuse por segunda vez para dar conta do dispositivo de vixilancia e acción da Policía Local e os bombeiros de Vigo durante a fin de semana. O goberno local xa ten preparado un pavillón por se houbera que atender á cidadanía no caso de producirse un incendio. No mediodía deste luns sae un novo retén con 5 efectivos de bombeiros de cara á zona afectada polos lumes.
