Entidades do fútbol local amosaron o respaldo unánime na defensa dos dereitos da cidade durante o encontro organizado esta mañá na Alcaldía. O rexedor vigués criticou o papel do Partido Popular da cidade, tras a súa intervención no Pleno Ordinario de abril no que “deixaron constancia, unha vez máis, do seu apoio a Rafael Louzán e á Federación Española na exclusión de Vigo”.
A Xunta de Goberno, programada para o venres 2 de maio, aprobará a adxudicación do Servizo de Salvamento e Socorrismo en 13 praias de Vigo desde 2025 a 2028 por un importe de 3,5 millóns de euros, segundo avanzou este mércores o alcalde.
O alcalde explicou que esta actuación, que ten un orzamento de máis dun millón de euros, supoñerá un paso máis para completar o corredor mecánico que vai desde Beiramar ata Hispanidade, na parte alta da cidade.
O alcalde chamou este venres á cidadanía, e especialmente ás familias, a anotar nas súas axendas de lecer a "X Andaina polos montes de Vigo", programada para o vindeiro domingo 11 de maio, incluída no programa municipal de educación ambiental "Camiño a Camiño". Os 1.000 participantes previstos percorrerán o Parque Forestal do Vixiador, na Comunidade de Montes de Candeán, en roteiros de 20, 12 e 6 quilómetros, aos que se suma o de 2 quilómetros para os nenos.
O edil de Cultura, Gorka Gómez, presentou xunto aos grupos de teatro amador a programación que se desenvolverá desde este sábado, 3 de maio, e ata o 29 de xuño con 13 actuacións no Auditorio Municipal. As funcións teatrais serán de balde e as persoas asistentes poderán aportar o que consideren ao remate.