Desde este luns, 22 de marzo, o acceso peonil e rodado á terminal ferroviaria de Urzáiz terá lugar exclusivamente polo teito do edificio, á altura de Vía Norte. Este xoves, Abel Caballero visitou a entrada provisional, que “impresionará” aos usuarios que poderán ver ademais a obra “colosal” do Vialia.
O alcalde deu conta esta mañá da contratación dun servizo de desinfección covid que permitirá manter abertos 68 parques infantís, 35 áreas biosaudables e 11 áreas deportivas. O importe deste servizo é de 99.944 euros.
Atendendo aos cambios da normativa sanitaria, o alcalde anunciou hoxe a posibilidade de xogar partidos amistosos nos campos municipais sempre que o autorice a Federación Galega de Fútbol. Ademais, desde o luns 22 de marzo, estará permitido ao acceso de público -con restricións de aforo – nos partidos de equipos de categoría nacional, a maiores de manterse nas competicións de elite, como xa fora anunciado.