Abel Caballero solicitou este luns aos bañistas que acoden ás praias de Vigo coa entrada en vigor da Fase 2 que respecten o distanciamento social para protexer a saúde. Ademais, o alcalde avanzou que as piscinas de Samil estarán pechadas este verán e tanto as cintas para marcar separacións como o socorrismo comezarán o 15 de xuño.
A cidadanía poderá acudir con cita previa e, dende o mércores, entrarán en funcionamento as instalacións deportivas municipais de Samil e Balaídos. Este luns o goberno municipal retomou as obras de humanización das rúas Heraclio Botana, Serafín Avendaño e Roupeiro.
O alcalde de Vigo mantivo este luns unha reunión cos representantes do sector pesqueiro na cidade para analizar o impacto da crise sanitaria e estudar medidas de cara á reactivación.
O alcalde visitounos este luns nun dos tres hoteis nos que están aloxadas 22 persoas das 84 familias afectadas polo incendio, que se produciu na noite deste sábado no garaxe dun inmoble da rúa Sanjurjo Badía. O Concello adiantará o pago dos establecementos, que será repercutido ao seguro.
Segundo explicou este luns Abel Caballero, a rede de museos municipais abrirá as súas portas a próxima semana, o martes 2 de xuño. Ademais, desde este luns poden presentarse solicitudes ás escolas infantís municipais.