Son de Seu, Heredeiros da Crus, Tony Lomba & Elio dos Santos e Mitic actuarán esta semana na Porta do Sol dentro do programa de Vigo en Festas. O Concello de Vigo decidiu ampliar a oferta para este verán e tamén haberá actuacións durante tres días con outros vinte grupos de música tradicional e folk.
As entradas para a actuación de Tom Jones o vindeiro 23 de xullo tamén se esgotaron apenas unhas horas despois de saír este martes á venda. Os espectadores contarán con lanzadeiras especiais para poder asistir a todos os concertos que se celebrarán no Auditorio de Castrelos.
O Concello habilitou desde a vindeira fin de semana un servizo experimental de transporte ata os parques forestais do Vixiador, Beade e Monte dos Pozos. Ademais, tamén haberá os días 11, 12 e 13 de xullo un servizo especial ao Campus Universitario para os alumnos que teñan que facer as probas de Selectividade.
A colocación das ramplas na Gran Vía entre as rúas María Berdiales e Venezuela obrigan a cortar desde este mércores, 10 de xullo, o tráfico en sentido descendente, segundo anunciou Abel Caballero.
Durante a xornada "Estratexia para a promoción da economía social no eido da Pesca Industrial", organizada por Fundamar, Abel Caballero defendeu que "temos que conseguir a integración total" das persoas en risco de exclusión "non só na sociedade senón no aparato produtivo", un obxectivo para o que a "política social é imprescindible pero insuficiente", sentenciou. Na apertura do encontro estivo presente tamén a presidenta de Deputación, Carmela Silva que defendeu a presenza das mulleres no sector pesqueiro.
Abel Caballero recibiu este martes aos equipos da UAD Cedro Concello de Vigo que lograron o Campionato de Liga e o campionato de Copa de Fútbol 11, o famoso dobrete, nun dos máis prestixiosos do fútbol afeccionado de Vigo como é o Torneo Amizade. O alcalde felicitou aos membros dos equipos polos éxitos conseguidos.