Ata finais de mes, as empresas poden optar á execución dos traballos de soterramento do tráfico e humanización de Porta do Sol, segundo informou este martes Abel Caballero. Financiado con fondos FEDER da Unión Europea, este proxecto municipal presenta un orzamento de 17 millóns.
O alcalde explicou que tamén se creará unha zona específica para os autobueses ao carón do Verbum. Ademais, o goberno municipal iniciou as obras de humanización de Coutadas cun orzamento de 407.000 euros.
Abel Caballero participou este martes na festa da comunidade musulmá de Vigo no pavillón do Berbés. O alcalde tomou a palabra durante os actos para invitar a todos os presentes a sentirse partes da cidade e destacou o carácter aberto dos vigueses cara a outras comunidades e outras culturas.
Abel Caballero compartiu esta mañá unha charla con alumnos e alumnas do IES Castro para falar dos problemas do medio ambiente. Durante o relatorio, o alcalde escoitou iniciativas dalgúns estudantes aos que animou a seguir impulsado iniciativas que promovan a concienciación sobre o coidado do planeta.
Abel Caballero participou este martes na presentación dunha nova edición da Carreira Feminina de Vigo. A proba, presentada nas instalacións de El Corte Inglés, celebrarase o vindeiro 16 de xuño e os organizadores esperan unha participación de unhas 1.500 mulleres aproximadamente. O alcalde animou ás viguesas a participar e defendeu a igualdade da muller na sociedade actual. Caballero augurou unha longa vida á proba deportiva.