Segundo informou este martes Abel Caballero, a Xerencia de Urbanismo validará o texto do acordo entre a promotora e o Concello de Vigo para a execución do planeamento nun ámbito incluído no instrumento de ordenación provisional en tramitación, destinado a usos residencial e terciario.
Vigo celebrou este martes o Día Mundial de Concienciación sobre Autismo cun acto de visibilización no Auditorio Municipal do Concello de Vigo no que participou o alcalde. Alumnos do Colexio Menela compartiron as súas vivencias e tamén deuse lectura ao Manifesto do Día Mundial. O acto estivo amenizado con pezas musicais da Orquestra Castro Navás.
Desde este luns está en funcionamento a nova pista de skate, BMX e Roller Vert Vall no barrio de Navia. As novas instalacións construídas polo Concello de Vigo teñen unha superficie de 2.000 metros cadrados e dúas partes ben diferenciadas, Bowl e Street.
O Boletín Oficial do Estado publica na súa edición deste martes o Real Decreto que regula a convocatoria dos comicios locais, cunha campaña electoral de 15 días que comeza o 10 de maio. Tamén este martes, o Pleno sorteou as mesas electorais para as eleccións xerais do 28 de abril.
O MARCO organiza o Curso de Introdución á Fotografía Contemporánea que será impartido no Salón de actos por Vítor Vaqueiro dende o martes 30 de abril ata o 28 de maio, en horario de 19:30 a 21:00 horas. Terá un prezo de 45 euros (40€ para membros da Agrupación Amigos do MARCO e para estudantes). As prazas son limitadas e o prazo de inscrición xa está aberto, a través de comunicacion@marcovigo.com .
O alcalde de Vigo, Abel Caballero, visitou este martes as instalacións do Centro Galego de Telecomunicacións de Galicia – Gradiant no edificio Citexvi do Campus Universitario de Vigo. Os responsables destacaron as oportunidades de futuro e o potencial tecnolóxico e industrial de Vigo.
O Museo Liste de Vigo convoca o VII Concurso de Relatos do Museo Liste de Vigo con motivo da celabración do Día das Letras Galegas destinado aos estudantes de Educación Primaria e Educación Secudaria Obrigatoria. O prazo de presentación de traballos durará ata o 30 de abril.