O alcalde anunciou este luns a resolución da convocatoria de axudas extraordinarias a familias con menos recursos, por importe superior aos 1,6 millóns. O goberno vigués prevé aprobalo esta mesma semana e iniciar o abono dos pagos aos case 2.000 beneficiarios.
Os datos do Ministerio de Facenda revelan que Vigo abona as súas facturas en 13,32 días de media, mentres que as Comunidades Autónomas tardan 33,3 días, a Administración Central paga en 50 días e as entidades locais, en 63,4 días. Abel Caballero subliña o "modelo de xestión eficaz" de Vigo, que ademais ten superávit, débeda cero e cumpre o teito de gasto.<br />
A Xunta de Goberno Local do Concello de Vigo aprobou a clasificación de ofertas da xestión das escolas infantís municipais de Tomás Alonso e Bouzas por un importe de 525.000 euros. Segundo explicou o alcalde, as taxas volverán a conxelarse o vindeiro curso.
Abel Caballero avanzou que xa están licitadas as obras en cinco campos, outros cinco están en proceso de aprobación e preparan convenios para actuar en catro máis.
Abel Caballero participou esta mañá na presentación da VI edición da Carreira Vigo contra o cancro, prevista para o domingo 21 na Avenida Castelao. Aproveitou a súa intervención para animar á participación cidadá nunha causa "xusta" onde todos "somos importantes". <br />
Un grupo de cinco alumnos de Primaria do colexio Atalaia Cantabria entrevistou esta mañá ao rexedor nas instalacións do centro educativo. Diante dos micros respondeu preguntas sobre a xornada diaria dun alcalde, sobre o futuro do Dinoseto ou sobre as Illas Cíes, entre outras cuestións. <br />