Vigo contará nos próximos meses con catro novas dotacións deportivas o que supón un investimento de 6,5 millóns de euros. Hoxe mércores arrancou a obra no pavillón de Romil e a semana que vén comezará a de Quirós, ás que se sumará proximamente a rehabilitación integral dos dous pavillóns da grada de Río.
Organizadas polo Concello de Vigo, o cemiterio de Pereiro acollerá durante os meses de outubro e novembro unha nova edición das rutas guiadas para coñecer o patrimonio histórico e cultural. As visitas chegan de novo co gallo do Samaín e nesta ocasión as personaxes históricas serán Cachamuíña, Irene Ceballos, Concepción Arenal e a Marquesa de Valadares.
Abel Caballero destacou este mércores o orzamento que o Concello de Vigo adica a políticas de igualdade. O goberno local aprobará esta semana a contratación da xestión para dinamizar a Casa das Mulleres e o Centro de Documentación e Recursos Feministas.
O alcalde de Vigo rubricou os acordos de colaboración coa AVV Novo Vigo, a Federación de Asociacións de Familiares de Enfermos Mentais de Galicia (FEAFES), Asociación Galega de Amigos do Rocío e a AVV Curva de San Gregorio. O Concello adica 21.000 para os gastos dos seus locais.
Abel Caballero participou esta mañá na presentación do que vai ser o primeiro concerto solidario que esta formación paraguaia ofreza en Galicia. A actuación, prevista para o 28 de decembro no Auditorio Mar de Vigo, contará coa participación de Iván Ferreiro e un coro de pequenos cantores de ACOPOVI.
O Concello de Vigo abre o prazo de inscrición para participar no obradoiro de AUTOPROTECCIÓN co obxectivo de proporcionar ás asistentes uns coñecementos e habilidades básicas de autoprotección que lles permitan mellorar a súa seguridade persoal.