O alcalde visitou este venres o "emblemático" IES Santa Irene polo comezo do curso educativo en Secundaria, un centro que presenta un "problema de espazo" do que Caballero esixiu solución á Xunta de Galicia. O Concello inviste medio millón en obras en colexios públicos e outros 600.000 euros na cubrición de patios.
Así o indicou este venres o alcalde, despois de anunciar a contratación da redacción do proxecto dun novo pavillón deportivo en Quirós (Sárdoma), por importe de 3 millóns de euros. O Concello reserva 8,6 millóns para novos pavillóns deportivos, melloras nos actuais e a renovación do céspede de dez campos de fútbol.<br />
Xa está aberto o prazo de inscrición das Escolas Deportivas Municipais que este ano ofertan 5.000 prazas en 28 disciplinas diferentes. Tal e como avanzou esta mañá o rexedor as actividades comezarán o día 1 de outubro.
O alcalde dá conta da evolución das obras no Estadio Municipal onde xa está o guindastre de grande tonelaxe que dende o luns comezará a instalar a estrutura da nova cuberta. Respecto da iluminación, no próximo partido de Liga, Balaídos contará con 80 focos en Río e un total de 310 no conxunto do estadio, unha cifra similar ao de finais da pasada tempada.
Abel Caballero asistiu hoxe venres ao almorzo-coloquio no que se analizou o futuro do sector financeiro en España. O conselleiro delegado do Banco Sabadell Jaime Guardiola foi o encargado de pronunciar unha conferencia que deu pé a unha posterior quenda de preguntas. Banco Sabadell e Faro de Vigo foron as entidades promotoras desta xornada.
O venres 29 arranca a programación do segundo semestre de VIGOCULTURA cun espectáculo de rúa a cargo do Trío Refugallo, que irá desde a Porta do Sol ata Príncipe. Será o primeiro das 22 funcións previstas nesta nova tempada, que volverá contar con teatro, música, danza, circo e un espectáculo para bebés.