alcalde informou este luns, na apertura do curso escolar, das obras realizadas polo goberno municipal nos centros escolares así como da próxima cubrición de tres patios. Amais, explicou que hai 36 centros que participan no Plan de Tráfico municipal que dá prioridade ao transporte de escolares.
O goberno local renovará as infraestruturas deportivas cun investimento 8,5 millóns de euros. Concretamente, aludiu á reforma dos pavillóns de Río, Quirós, Romil, aos que hai que engadir o cambio do céspede en dez campos.
No marco da inauguración da VIII Conferencia Mundial do Atún, que reúne hoxe e mañá en Vigo a máis de 300 profesionais para abordar a situación da industria transformadora e conserveira, Abel Caballero sinalou a importancia da pesca na cidade e na economía galega e apuntou a competitividade do sector como clave para ofrecer o mellor produto á cidadanía. Amais, deulle a benvida a Vigo a todos os participantes e felicitou á organización polo éxito do evento cada ano. No acto, estiveron presentes o presidente da Xunta, o secretario xeral de Pesa, Alberto López-Asenjo así o presidente e o secretario xeral de Anfaco-Cecopesca, Jesús Alonso Escurís e Juan Manuel Vieites.
O rexedor participou este luns na presentación do programa da Semana Abanca que se desenvolve entre o 16 de setembro e o 11 de novembro nas rías de Vigo, Baiona, Pontevedra, Ares e Sada e que este ano inclúe o piragüismo como novidade. Haberá tamén competicións de vela e remo coa previsión de que participen máis de 2.500 deportistas, polo que Caballero felicitou á organización, aos patrocinadores e a todos os participantes polo éxito desta nova edición. <br />