Os ambulantes de Vigo, satisfeitos, logo dun ano da regulación dos mercadiños de Bouzas e Coia
O alcalde de Vigo destacou esta mañá o éxito da regulación dos mercadiños que o Concello realizou hai máis dun ano, dada a satisfacción que esta mañá lle trasladaron os propios ambulantes. Durante o encontro, estes comerciantes agradeceron ao goberno local uns cambios que supuxeron igualdade de condicións para todos os postos e o cumprimento da normativa vixente.
A Asociación de ambulantes de Vigo acudiron esta mañá ao Concello para trasladarlle ao alcalde e ao concelleiro de Comercio, Ángel Rivas, a súa satisfacción coa reordenación dos mercadiños que acometeu o Concello hai algo máis dun ano. Tal e como explicou o rexedor en posterior rolda de prensa, estes comerciantes pasaron dunha situación de "preocupación, opacidade e serias dificultades" á unha situación de transparencia na que todos os postos "están regulados, en igualdade de condicións e cumprindo a normativa".
Caballero explicou que os ambulantes están "moi recoñecidos" polo traballo do Concello e fan unha "magnífica" valoración desta regulación o que demostra que foi un éxito, engadiu. Nestes momentos, hai 117 postos ocupados en Bouzas e 88 en Coia.
Descargar todas as imaxes
Caballero explicou que os ambulantes están "moi recoñecidos" polo traballo do Concello e fan unha "magnífica" valoración desta regulación o que demostra que foi un éxito, engadiu. Nestes momentos, hai 117 postos ocupados en Bouzas e 88 en Coia.