A convocatoria municipal para optar ás bolsas de comedor escolar está xa aberta, informou Caballero. O Concello adica 1,8 millóns ao efecto, ampliables para que "ningún neno con necesidade económica quede sen a súa axuda de comedor". Ademais, o goberno local avanza na resolución do chamado cheque social para gastos de vivenda, enerxía e alimentación.
O alcalde louvou esta mañá as figuras de Antía Cal e Valentín Paz Andrade nun acto no que se descubriron dúas placas cos seus nomes en sendas aulas da Escola Universitaria de Estudos Empresariais.
O Diario Oficial de Galicia do pasado venres recolle a aprobación polo goberno de Vigo dos contratos de redacción de ambas humanizacións, que suman 6,5 millóns de euros e se financian "en gran medida" desde a Deputación de Pontevedra, segundo recordou Abel Caballero este luns. A presentación de ofertas, ata o 5 de xuño.
Máis de mil usuarios formaron parte dos cursos de formación que oferta o Concello dentro do proxecto de hortas urbanas. Tal e como detallou o rexedor, na actualidade, hai 350 persoas traballando en calquera dos nove espazos de cultivo distribuídos por toda a cidade.