xoves, 26 novembro 2015

O Concello inaugura o alumeado de Nadal en 229 rúas con máis de 2 millóns e medio de lámpadas

Este venres 27 de decembro ás 19:00 horas na Porta do Sol celébrase o acto de inauguración da iluminación de Nadal da cidade que será a "máis importante da historia de Vigo" en palabras do alcalde, quen explicou que se estenderá a rúas que antes non contaban con luces e que se reforzará noutras ata un total de 229, cun custo que supera os 400.000 euros. O alumeado estará activo todos os días ata o 6 de xaneiro desde as 18:00 horas da tarde e ata a 01:00 da mañá, con ampliación de horario dende as 18:30 e ata as 08:00 horas a mañá os días 24, 25 e 31 de decembro e o 1, 5 e 6 de xaneiro.

O alcalde denuncia un "retraso innecesario" na Cidade da Xustiza ao carecer a Xunta de orzamento para construila

xoves, 26 nov 2015

O Concello xa ten agrupados os terreos para a Cidade da Xustiza -de titularidade municipal-, remitidos ao Rexistro da Propiedade, inscritos no Patrimonio Municipal do Solo e solicitada a referencia catastral. Os trámites restantes, explicou Caballero este xoves, son cuestións "formais" que non impiden á Xunta de Galicia avanzar coa licitación do proxecto e obra, que non pode iniciar por non ter consignada unha partida orzamentaria.