martes, 16 setembro 2014

O alcalde confía nunha pronta resolución que permita desbloquear as 290 bolsas de inglés concedidas este ano

Abel Caballero avanzou esta mañá que espera unha resolución do Tribunal Administrativo Central que permita desbloquear as bolsas de inglés concedidas para este mesmo mes de setembro. En todo caso, e como plan B, o rexedor explicou que, se non pode ser agora, os alumnos beneficiados coas bolsas de inglés gozarán da súa estancia en Gran Bretaña en decembro ou xaneiro, aproveitando parte das vacacións escolares. Así o explicou durante a inauguración do curso de ensino secundario no IES República Oriental de Uruguai.

1410867215cole.JPG

O Concello achega 100.000 euros a Conxemar, "a mesma cantidad que Xunta e Goberno de España xuntos"

martes, 16 set 2014

Abel Caballero explicou hoxe martes que o Concello apoia a organización de Conxemar con 100.000 euros, "a mesma cantidade que a Xunta e o Goberno de España xuntos". Na mesma rolda de prensa, o rexedor deu conta dunha sentencia favorable ao Concello no conflito coa propietaria de Cordelerías Mar que querían que lles fora entregada unha licenza urbanística sen realizar unhas catas arqueolóxicas que se lle reclamaban.