O alcalde propuxo a Teresa Pedrosa inicio dun estudio para que o ámbito da Panificadora albergue un edificio franco como o que funciona no centro de Madrid. Así llo trasladou hoxe xoves durante unha reunión na que acordaron que o próximo Pleno do Consorcio será o mércores 15 ás 19,00 h.
O alcalde coñeceu hoxe de primeira man a evolución das obras de humanización que se están a acometer na rúa Anduriña. Tal e como explicou, nun mes estarán rematados os traballos de renovación de beirarrúas, asfaltado e pluviais.
A biblioteca Xosé Neira Vilas expón durante o mes de xaneiro unha mostra bibliográfica relacionada co mundo da fotografía: os seus autores, as súas técnicas e a súa evolución poderase observar nesta mostra.
O Museo Liste-Etnográfico de Vigo e o Centro de Artesanía Tradicional (CAT), xestionados pola Fundación Liste coa colaboración da Concellería de Cultura e Festas, presenta a súa programación para o primeiro trimestre do ano, que contará coa exposición permanente, exposicións temporais, obradoiros, talleres e actividades especiais.