luns, 12 setembro 2011

O alcalde recibe ao novo curso escolar ratificando "a nosa vontade de impulso á educación" como "factor de igualdade irrenunciable"

Abel Caballero visitou este luns o CEIP Canicouva, onde indicou que 40.688 estudantes inician o novo curso escolar na cidade. De cara ao próximo orzamento municipal, o alcalde explicou que incrementarán os recursos económicos para facer fronte ao incremento "prácticamente do dobre" nas solicitudes de bolsas de comedor e de libros. Caballero ratificou "a nosa vocación de impulso á educación e singularmente á educación pública" como "factor de igualdade irrenunciable".

O alcalde defende o papel referencial de Vigo na quinta Conferencia Mundial do Atún

luns, 12 set 2011

Abel Caballero participou este luns na apertura da V Conferencia Mundial do Atún, que ten lugar en Vigo coa participación da ministra de Medio Ambiente, Rural e Mariño, Rosa Aguilar. O alcalde citou á pesca, ao Porto de Vigo e aos eventos mundiais que Vigo acolle -WFE ou Conxemar- como mostras da capacidade viguesa no sector e avogou pola eficiencia á hora de xestionar os recursos na pesca e na explotación.

O alcalde esixe do Goberno de España que manteña as achegas económicas a Conxemar

luns, 12 set 2011

Tras unha reunión cos resposables de Conxemar, Caballero denunciou que o Goberno central rebaixou de 200.000 a 60.000 euros a achega para a "gran feira do mar do outono no mundo"e anunciou que o Concello dará apoio financeiro á feira porque "xera unha actividade económica da maior importancia para Vigo, para Galicia e para España; que significa o mantemento dun liderado mariño moi importante por parte de Vigo e de España".

Antonio Abad descobre a súa depurada técnica do pastel nas dependencias da Alcaldía

luns, 12 set 2011

A inauguración dunha nova edición da iniciativa MOSTRARTE, que trae o arte vigués aos espazos abertos da Alcaldía do Concello, tivo lugar este luns coas obras do local Antonio Abad. Formado na Escola de Artes de Vigo e no madrileño Taller do Prado, desenvolve a súa carreira artística en Vigo onde crea o seu estudo-taller. Expón ininterrompidamente de forma individual desde 1990 en distintas cidades de España e Portugal, e de forma conxunta ou colectiva en Europa.