mércores, 18 agosto 2010

Calviño asegura que a nova rotonda de Gran Vía mellora a seguridade viaria e o tráfico de POVISA e do centro comercial

O concelleiro de Mobilidade, Xulio Calviño, fixo hoxe mércores unha valoración "enormemente positiva" da nova rotonda provisional ubicada na Gran Vía con Tarragona, unha medida que gaña en seguridade viaria para peóns e vehículos -non se rexistrou ningún accidente coa presenza dos Atestados- e facilita a circulación rodada no entorno de POVISA -en particular ao centro médico- e nos accesos e saídas do centro comercial Gran Vía.

Carlos Font afirma que as obras do consistorio vigués son "as mínimas imprescindibles"

mércores, 18 ago 2010

O concelleiro socialista explicou que a reparación no Concello de Vigo, que ascende a 340.000 euros, inclúe ao selado de fachadas, a cobertura das terrazas e o illamento para evitar novas filtracións en canto cheguen as choivas. Font defendeu a proposta do alcalde vigués de levar adiante o proxecto do arquitecto Rafael Moneo ante un edificio cuio estado deniniu como "agónico"

O tenente de alcalde salienta o éxito das Festas de Verán 2010, que chegaron a máis de 350.000 persoas

mércores, 18 ago 2010

O tenente de alcalde, Santi Domínguez, destacou este mércores o "tremendo éxito" de todas as actividades que se desenvolveron con motivo das Festas de Verán de Vigo 2010. No balance da participación nos espectáculos programados, o nacionalista salientou que máis de 350.000 persoas tiveron a oportunidade de disfrutar dunha ampla programación, que incluíu concertos no auditorio de Castrelos, actuacións no Casco Vello e actividades infantís.

As escolas deportivas municipais ofertan máis de 5.000 prazas para o curso 2010/2011, que inclúen o campo de Navia

mércores, 18 ago 2010

O concelleiro de Deportes, Xabier Alonso, anunciou este mércores que as escolas deportivas municipais ten programado o ensino de 28 modalidades deportivas, ofertando máis de 5.000 prazas para nenos e nenas empadroados en Vigo e nacidos entre 1994 e 2004, así como tres programas para adultos maiores de 18 anos (defensa persoal, tenis de mesa e tiro con arco) e baloncesto e natación para persoas con discapacidade física e psíquica. O novo curso comezará o 1 de outubro e prolongaranse durante oito meses ata o 28 de maio do 2011.