O alcalde, Abel Caballero, e o concelleiro de Promoción Económica e Emprego, Santos Héctor, visitaron hoxe xoves a construción da beirarrúa e mellora da rede de saneamento e abastecemento que se está a levar a cabo na rúa Subida ás Ánimas, dentro do plan municipal "Bial"; que conta cun millón de euros de orzamento para formar e insertar no mercado laboral a 65 desempregados.
As escolas deportivas municipais comezarán este ano o 1 de outubro e prolongaranse durante oito meses ata o 30 de maio. Xabier Alonso, concelleiro de Deportes, e Ángel Lago, director do Instituto Municipal dos Deportes, presentaron hoxe un novo curso, no que a concellería investirá 150.000 euros e para o que se programou o ensino de 28 modalidades deportivas para os nenos e nenas, ofertando unhas 4.200 prazas para nenos e nenas empadroados en Vigo e nacidos desde 1993 a 2003, aínda que tamén hai catro programas para adultos maiores de 18 anos e baloncesto e natación para discapacitados físicos e psíquicos.
O alcalde manifestou que estas actuación teñen "custo cero" para as familias, e permiten aos pais e nais conciliar a súa vida profesional coa personal tamén en verán. Os rapaces e rapazas, pola súa banda, continúan coa súa formación e entretenemento, polo que Abel Caballero avanzou que o Concello estudará amplialos para o próximo ano.
O Circo Acuático "The Cirkid", que está instalado na Avenida de Castelao dende o día 7 de agosto, xa recibiu a visita de 10.500 persoas nas primeiras 16 funcións. "The Cirkid", que aposta por un novo concepto de circo no que se aposta polas novas tendencias e intenta cubrir as necesidades do ocio infantil, enfronta os últimos días da súa presencia en Vigo, xa que rematará o próximo día 30 de agosto.