O alcalde, Abel Caballero, e o vicepresidente da entidade que outorga as bandeiras (ADEAC), José Palacios, visitaron este mércores a praia do Vao, onde Palacios ratificou as sete distincións recibidas este verán polos areais vigueses, e o alcalde anunciou que poranse as medidas para incrementar o número de bandeiras o próximo ano.
A Travesía a Nado da Ría disputarase o vindeiro domingo 23 e agosto entre a praia do Con, en Moaña, e a dársena interior do Náutico de Vigo, segundo anunciaron este xoves o concelleiro de Deportes, Xabier Alonso, e o presidente do RC Náutico, Franco Cobas. O concelleiro nacionalista pediu "o apoio dos cidadáns e cidadás" o domingo, porque "a proba ten cada vez máis nivel e entusiasmo, a cidade debe envorcarse máis, porque é un espectáculo ver a tanta xente cruzando a Ría a nado".