luns, 19 xan 2009
A conselleira de Vivenda e Solo, Teresa Táboas, visitou hoxe acompañada do tenente de alcalde, Santi Domínguez, as obras de rehabilitación que se están levando a cabo en varios edificios do Casco Vello a través do Consorcio, participado no 90% polo departamento autonómico e no 10% polo Concello de Vigo. "Non podemos deixar que o Casco Vello de Vigo, coas características tan especiais que ten, continuará neste estado de abandono. Hai que recuperalo e revitalizado e nese traballo estamos. Estamos xa en marcha, sen pausa e con paso firme", sinalou a conselleira.
luns, 19 xan 2009
Abel Caballero ratificou hoxe luns que o vindeiro 11 de febreiro se asinará o convenio entre a Xunta de Galicia, a Zona Franca e o Concello de Vigo que permitirá a "apertura definitiva" da ETEA aos cidadáns, tras 93 anos pechada. O alcalde agarda que poucos días despois desa data estean habilitadas tamén as instalacións deportivas.
luns, 19 xan 2009
O Museo Verbum- Casa das Palabras acollerá a primeira edición das Xornadas de mocidade e sexualidade os días 23 e 24 de marzo, segundo anunciaron este luns o director xeral de Xuventude e Solidariedade, Rubén Cela, e a concelleira de Xuventude de Vigo, Iolanda Veloso. Segundo salientaron, o programa, que dará comezo o venres coa inauguración a cargo do vicepresidente da Xunta, Anxo Quintana, e o relatorio da escritora e sexóloga Valerie Tasso, "ten vocación de permanencia na cidade de Vigo".
luns, 19 xan 2009
Este luns tivo lugar a inauguración da nova mostra pictórica que acolle as dependencias da Alcaldía de Vigo, desta volta a cargo de Xavier Pousa. Máis de medio centenar de persoas relacionadas co mundo da arte, así como representantes da corporación municipal, abriron a quinta mostra da Alcaldía, que destaca pola técnica persoal de Pousa no tratamento da paisaxe.
luns, 19 xan 2009
A salas do Punto Xove, da concellería de Xuventude, presenta estes días unha exposición da Asociación Tena para Etiopía, coa intención fundamental de presentar en sociedade unha nova asociación, unha ONG sen ánimo de lucro, cun obxectivo central: traballar desde esta cidade para conseguir o máximo de recursos económicos e tamén humanos que axuden a mellorar no posible a terrible situación de marxinalidade e pobreza na que viven día tras día, tantas persoas en Etiopía e en especial, tantos nenos/as e mulleres.
Patrimonio e Contratación
luns, 19 xan 2009
En data 15 de xaneiro de 2009 se publicaron no Boletín Oficial da Provincia as bases para a presentación de solicitudes para optar a prazas de residentes nos aparcadoiros das rúas Areal, Policarpo Sanz, Pintor Colmeiro, Rosalía de Castro, Jenaro de la Fuente e avenida Castelao.<br />
