Abel Caballero asegurou este xoves que a definitiva declaración de impacto ambiental do traxecto da Alta Velocidade a Madrid por Cerdedo se atopa na súa última fase, pois será ratificado cando conclúa o estudo arqueolóxico. O alcalde adiantou ademais que o túnel de entrada a Vigo non precisará dunha nova declaración ambiental e a exención da mesma é "inminente".
A Xerencia de Urbanismo tomou coñecemento este xoves da licencia municipal concedida para o apuntalamento e retirada dos residuous restantes da nave calcinada de O Gorxal. Previa autorización da xuíza, o vindeiro sábado 1 de novembro, os propietarios poderán iniciar os traballos, que se alongarán uns 40 días, segundo explicou o alcalde.
O alcalde de Vigo, Abel Caballero, adiantou este xoves o calendario de execución da obra do Auditorio para a súa inauguración no primeiro día de 2011. A acta de replanteo está asinada e o arqueólogo xa comprobou os terrenos e estableceu o procedemento a seguir. O rexedor explicou que o tráfico de Jacinto Benavente continuará en dous sentidos. <br />
A concelleira de Igualdade, Xuventude e Normalización Lingüística, Iolanda Veloso, salientou este xoves que os orzamentos das súas concellerías manteñen un "crecemento sostible", acorde co resto das áreas do BNG. Ademais, a edil destacou a inclusión de dúas partidas, na Concellería de Xuventude e na de Igualdade, que teñen a finalidade de "subvencionar espazos de lecer educativo".
No marco do Salón Internacional Suizo de Vacacións, o tenente de alcalde e concelleiro de Turismo do Concello de Vigo, Santi Domínguez, mantén ao longo do día de hoxe encontros profesionais cos operadores expertos no sector e a prensa especializada. O obxectivo destes encontros non é outro que presentar a ampla oferta turística da cidade de Vigo aos touroperadores e os medios centrados no turismo de ámbito internacional nunha xornada adicada unicamente aos encontros profesionais.
A Biblioteca Central de Vigo, ubicada na rúa Joaquín Yáñez, pecha as súas portas de xeito temporal o vindeiro venres 31 de outubro para realizar traballos de mantemento. Segundo informa a dirección da biblioteca, estes traballos consisten na aplicación de tratamentos de prevención e desinsectación, de xeito que o luns día 3 de novembro reabrirase aos usuarios e usuarias no seu horario habitual.<br />