Establecementos hosteleiros do Casco Vello queren dinamizar esta zona ofrecendo a partir de hoxe venres e ata o 11 de marzo, por un euro, racións de mexillóns ao vapor e especiais. Deste xeito, espérase que moitos vigueses visiten o Casco Vello para facer rutas de degustación.
A compañía barcelonesa La Invenció representa mañá sábado na praza de Compostela "Las Puertas del Cielo", dentro do Festival Alternativo de Teatro e Danza de Vigo ALT.o7. Haberá tres pases: ás 20.00, ás 21.00 e ás 22.00 horas.
O músico de jazz galego Alberto Conde presentou hoxe venres o novo disco do Alberto Conde Trío, do que forma parte. Titúlase "Andaina" e representa unha viaxe da música galega a través do jazz, con achegas da música iberoamericana e do flamenco.
Teatro de la Luna pon en escena a obra "Ferdinando" no auditorio Municipal o día 24 ás 18 horas, dentro da programación de teatro da Concellería de Cultura. A obra foi premiada en FETEN 2005 como mellor espectáculo de monicreques e está recomendada para público a partir de 3 anos. O prezo de entrada é de 3 euros adultos e 2 euros infantil.
O ciclo "Entre fronteiras" do Cineclub Lumière, finaliza o próximo luns coa proxección de "La última luna", unha coprodución chilena, mexicana e española que coa que o realizador Miguel Littin pretende quere facer unha homenaxe á reconstrución da Palestina da que emigrou o seu pai.
Orde do día para a sesión ordinaria que terá lugar o día 26 de febreiro de 2007, ás nove horas, no salón de Plenos deste Concello.