Os Vigueses Distinguidos de 2006 serán galardoados con cadros de Mariola Heredero, pintora nada en Vigo que se reuniu hoxe mércores coa alcaldesa, Corina Porro. Os cadros pertencen ao xénero das mariñas e teñen a ría por tema.
O proxecto "Conta con Elas" está a impartir un curso ao profesorado sobre a igualdade de oportunidades entre homes e mulleres co título "A transversalidade de Xénero no ámbito educativo". O curso está dentro do plan anual de formación do profesorado 2005/2006 do Centro de formación e Recursos (CEFORE) de Vigo dependente da Xunta de Galicia.
A alcaldesa, Corina Porro, mantivo hoxe mércores un encontro cos representantes da Oficina Económica e Cultural de Taipei, que actúa como unha representación do Goberno de Taiwán en España.
O almirante xefe de Acción Marítima de Ferrol, Gonzalo Sirvent, realizou hoxe mércores unha visita institucional ao Concello de Vigo co obxecto de agradecerlle á alcaldesa, Corina Porro, o feito de ter convidado a Armada a participar no salón Vigo Náutica Internacional 2006.
O 30 de marzo remata o prazo de inscricións dos cursos " O coidado das persoas dependentes" e "Iniciación á fotografía en branco e negro" que organiza a concellería da Muller.
As visitas ao Pazo-Museo "Quiñones de León" poderán realizarse, novamente, a partir do mércores día 22 de marzo, tralo remate da comprobación da súa capacidade portante e de pequenas traballos de mantemento.