A Concelleira de Turismo, Lucía Molares, inaugurou temporada de verán, coa posta en funcionamento dos servicios de atención ós turistas e excursionistas que se acheguen á cidade durante o período estival. Seis oficinas de información, o bus turístico, a tarxeta de descontos, o servicio de atención a cruceiristas, serán algúns dos servicios que se porán en marcha durante o verán.
O concelleiro de Medio Ambiente e voceiros da Xunta de Goberno Local, José Manuel Figueroa informou hoxe que con toda probabilidade as obras de mellora na Estación Depuradora do Lagares comezarán o próximo mes de agosto xa que con data 10 de xuño Augas de Galicia publicou no DOGA a licitación do concurso de elaboración do proxecto e execución da obra do plan de saneamento "Desodorización da nave de transferencias de pozo de lamas dixeridas na EDAR de Vigo".
A alcaldesa de Vigo, Corina Porro, e o director xeral de Caixa Galicia e vicepresidente da fundación desta entidade, José Luis Méndez, asinaron hoxe un convenio de colaboración cultural a través do cal a Caixa Galicia colabora na financiamento da programación cultural do Concello con un importe de 420.000 euros.
O conservatorio superior de música de Vigo acolle o martes un concerto de piano a cargo de Wilhem Latchoumia dentro do programa do ciclo de música "Xeración 2000+4" que organiza a concellería de Cultura. A cita será ás 20.30 horas, a entrada é libre ata completar a capacidade.
Ponse en coñecemento do público en xeral que por mor das obras do segundo cinto de Vigo, pecharase ao tráfico o camiño de Seixos (Valadares), con acceso axclusivo para residentes, dende as 00.00 horas do mércores 23 de xuño de 2004, por un período aproximado de tres meses.