A concelleira de Medio Ambiente, María Xosé Porteiro, presentou hoxe a posta en marcha da auditoría coa que se detectarán os problemas que puidera presentar a Estación Depuradora de Augas Residuais Lagares. Acompañada por un representante da empresa auditora, Novotec, a concelleira explicou que a previsión é que a finais de ano o Concello poida ter os resultados deste informe.
A Concellería de Xuiventude reiniciou a semana pasada os traballos do obradoiro de emprego Bidueiro, un proxecto dirixido pola Fundación Érguete que está a servir para recuperar o Monte do Castro e para crear neste parque unha zona dedicada á xuventude. As actuacións a desenvolver prolongaranse ata o mes de novemenro do próximo ano.
A posta en marcha dun "plan de choque" no Casco Vello para resolver as carencias desta zona da cidade foi un dos acordos alcanzados esta mañá nunha xunta entre os concelleiros de Patrimonio Histórico e Vía Urbana, Xosé Carlos Arias e Miguel Barros, respectivamente, con técnicos municipais.
A partir das dez da mañá do xoves, día 14, reunese o Conselo da Xerencia de Urbanismo, para tratar entre outros asuntos da orden do día a modificación puntual do PXOU 1993 para a execución de sentencia na rúa Marqués de Alcedo.