O regulamento do Consello local de accesibilidade, aprobado en pleno, potenciará a participación das persoas con discapacidade nos organismos públicos.
O Concello de Vigo asinará un convenio coa Cruz Vermella para que esta organización estableza postos de primeiros auxilios en seis praias do municipio. A Comisión de Goberno aprobou este convenio que suporá un desembolso económico para o Concello de 100.000 euros.
A Comisión de Goberno aprobou o proxecto de instalación dunha escaleira exterior de evacuación no edificio do Concello. A creación deste sistema de seguridade, que se sacará a concurso público, está presupostada en 119.999 euros.
A concelleira de Muller en funcións, Ana Gandón, presenta o libro "Feminismo e coñecemento" de Carme Adán. O acto será o martes 10 de xuño ás 20:15 na Casa das mulleres, situada na rúa Romil, 20.
O vindeiro mércores preséntase na Casa das Artes (Policarpo Sanz, 15, 3º) a colección permanente da Fundación Laxeiro despois de pasar por un proceso de restauración integral que durou case tres anos e que rematou cun novo plantexamento expositivo.