A Concellería de Xuventude amplía o programa "Súbete ao Castro" con cursos gratuítos de formación musical
O programa "Súbete ao Castro" amplía a súa oferta cun programa de formación musical que inclúe cursos gratuítos de guitarra, vogalista, baixo, batería, teclado e pandeireta, segundo anunciou este luns a concelleira de Xuventude, Iolanda Veloso. A inscrición para participar nos cursos, dirixidos a mozos e mozas de entre 14 e 30 anos, xa está aberta, e para matricularse só é preciso cubrir un formulario nas instalacións do programa no parque do Castro, ao carón da pista de bicicletas.
![1205158619subeteaocastro100308.jpg 1205158619subeteaocastro100308.jpg](https://xornal.vigo.org/storage/xornal-historico/medi/xornal/noticias/imx/opt/1205158619subeteaocastro100308.jpg)
"En Vigo hai unha grande cantidade de grupos que demandan formación musical en distintos instrumentos e decidimos que cumpría darlle resposta a esta demanda", sinalou a concelleira de Xuventude, quen indicou que neste segundo cuadrimestre se duplicará o número de prazas ofertadas, polo que serán máis de cen as persoas que poderán participar nalgún dos cursos programados.
En total serán 22 cursos: oito de batería, seis de guitarra eléctrica, tres de vogalista, dous de teclado, dous de baixo e un de pandeireta. O aumento do número de prazas fíxose especialmente nos cursos de batería e guitarra, xa que en base aos datos do primeiro cuadrimestre foron os máis demandados, cun 34 e un 38 por cento do total de persoas inscritas respectivamente.
Para participar nalgún dos cursos, que teñen lugar de luns a sábado, non é preciso ter coñecementos previos da materia e só se pide o compromiso de asistir ás clases, que son heteroxéneas, organizadas en función do nivel dos e das participantes e non da súa idade. A inscrición está aberta, e para matricularse só é preciso cubrir un formulario nas dependencias do programa, no parque do Castro, en horario de luns a xoves de 17 a 21 horas, venres de 17 a 23 horas e sábados de 12 a 14 horas e de 17 a 23 horas.
Descargar todas as imaxes
En total serán 22 cursos: oito de batería, seis de guitarra eléctrica, tres de vogalista, dous de teclado, dous de baixo e un de pandeireta. O aumento do número de prazas fíxose especialmente nos cursos de batería e guitarra, xa que en base aos datos do primeiro cuadrimestre foron os máis demandados, cun 34 e un 38 por cento do total de persoas inscritas respectivamente.
Para participar nalgún dos cursos, que teñen lugar de luns a sábado, non é preciso ter coñecementos previos da materia e só se pide o compromiso de asistir ás clases, que son heteroxéneas, organizadas en función do nivel dos e das participantes e non da súa idade. A inscrición está aberta, e para matricularse só é preciso cubrir un formulario nas dependencias do programa, no parque do Castro, en horario de luns a xoves de 17 a 21 horas, venres de 17 a 23 horas e sábados de 12 a 14 horas e de 17 a 23 horas.