A Concellería de Deportes organiza unha xornada técnica sobre o deporte vigués o 15 de decembro
O 15 de decembro, a Casa do Deporte de Vigo acollerá unha xornada técnica dedicada á análise do deporte vigués, organizada pola Concellería de Deportes. A universalización da actividade deportiva, os deportes náuticos, a viabilidade económica das asociacións deportivas e a participación da muller no deporte son as áreas de traballo que centrarán esta xornada, dirixida preferentemente ás persoas vencelladas ao ámbito deportivo.
Segundo explicou este martes o concelleiro de Deportes, Xabier Alonso, "estas xornadas son o reflexo de que ás veces é necesario reflexionar sobre o que se fai". O concelleiro indicou que baixo o título "Novos escenarios para o deporte vigués", terán lugar tres ponencias, a partir das 10.10 horas do 15 de decembro: unha sobre o deporte popular, a cargo do propio concelleiro; outra sobre o futuro do deporte de base, a cargo de Jorge Santos López, director de publicidade institucional de Caixanova; e a terceira centrada no futuro dunha cidade a través dos grandes eventos deportivos, que correrá a cargo do tenente de alcalde, Santiago Domínguez.
A partir das 12.00 horas desenvolveranse dúas mesas redondas simultáneas. Unha delas terá como eixo central a universalización das prácticas deportivas como unha actividade saudable. O ponente será Juan José Crespo Salgado, profesor da Universidade de Vigo. Ademais, esta mesa redonda contarán coa participación de Pablo Casal Núñez, especialista en actividade física para adultos; Marina Abruñedo Guillán, colaboradora do programa "Corre con Vigo", e Manuel Rosales, atleta veterano.
A segunda mesa redonda versará sobre a relación de Vigo cos deportes náuticos e terá como ponente a Xabier Alfonso Cornes, enxeñeiro e director técnico da sección de remo e das escolas deportivas do Real Club Náutico de Vigo. Ademais, participarán Xoán Ramón Carballo, presidente do Liceo Marítimo de Bouzas; Anselmo Miranda, secretario do Club de Remo de Coruxo; e Ignacio Ojea, responsable do proxecto Mar de Vigo.
Xa pola tarde, a partir das 16.30 horas terán lugar as mesas redondas sobre a viabilidade económica do asociacionismo deportivo e a muller e o deporte. Na primeira delas, o ponente será Javier Rico Díaz, xerente da Fundación Deporte Galego. Esta mesa redonda contará coa presenza de José Daniel Costas Fernández, presidente da Asociación de Clubes de Fútbol; Enrique Urdiales de Santiago, presidente do Club Hockey Vigo Stick; e Antón Piñeiro, presidente do Club Seis do Nadal de Balonmán.
Marian Fernández Villarino, profesora da Universidade de Vigo, será a ponente da mesa redonda sobre a muller e o deporte. Nela participarán a deportista de elite e licenciada en Ciencias da Actividade Física e do Deporte Tamara Valderrama Santomé; a asesora da Dirección Xeral para o Deporte da Xunta, Cristina Fernández Piñeiro; e a presidenta do Club de Fútbol Sampaio, Victoria Villaverde López.
Tras o debate nas mesas de traballo, terá lugar a exposición da conclusión das xornadas, prevista para as 18.45 horas, que posteriormente servirá de "orientación ao día a día do deporte vigués, no que se vencelle teoría e práctica", segundo sinalou Xabier Alonso, quen explicou que aínda que a participación na xornada é gratuíta, é necesario facer unha inscrición previa antes do 11 de decembro.
Descargar todas as imaxes
A partir das 12.00 horas desenvolveranse dúas mesas redondas simultáneas. Unha delas terá como eixo central a universalización das prácticas deportivas como unha actividade saudable. O ponente será Juan José Crespo Salgado, profesor da Universidade de Vigo. Ademais, esta mesa redonda contarán coa participación de Pablo Casal Núñez, especialista en actividade física para adultos; Marina Abruñedo Guillán, colaboradora do programa "Corre con Vigo", e Manuel Rosales, atleta veterano.
A segunda mesa redonda versará sobre a relación de Vigo cos deportes náuticos e terá como ponente a Xabier Alfonso Cornes, enxeñeiro e director técnico da sección de remo e das escolas deportivas do Real Club Náutico de Vigo. Ademais, participarán Xoán Ramón Carballo, presidente do Liceo Marítimo de Bouzas; Anselmo Miranda, secretario do Club de Remo de Coruxo; e Ignacio Ojea, responsable do proxecto Mar de Vigo.
Xa pola tarde, a partir das 16.30 horas terán lugar as mesas redondas sobre a viabilidade económica do asociacionismo deportivo e a muller e o deporte. Na primeira delas, o ponente será Javier Rico Díaz, xerente da Fundación Deporte Galego. Esta mesa redonda contará coa presenza de José Daniel Costas Fernández, presidente da Asociación de Clubes de Fútbol; Enrique Urdiales de Santiago, presidente do Club Hockey Vigo Stick; e Antón Piñeiro, presidente do Club Seis do Nadal de Balonmán.
Marian Fernández Villarino, profesora da Universidade de Vigo, será a ponente da mesa redonda sobre a muller e o deporte. Nela participarán a deportista de elite e licenciada en Ciencias da Actividade Física e do Deporte Tamara Valderrama Santomé; a asesora da Dirección Xeral para o Deporte da Xunta, Cristina Fernández Piñeiro; e a presidenta do Club de Fútbol Sampaio, Victoria Villaverde López.
Tras o debate nas mesas de traballo, terá lugar a exposición da conclusión das xornadas, prevista para as 18.45 horas, que posteriormente servirá de "orientación ao día a día do deporte vigués, no que se vencelle teoría e práctica", segundo sinalou Xabier Alonso, quen explicou que aínda que a participación na xornada é gratuíta, é necesario facer unha inscrición previa antes do 11 de decembro.