A Policía Local entregará o seu Salacot de Honor ao pobo de Vigo
A Policía Local de Vigo celebra mañá martes no restaurante Botón de Ancla, situado no IFEVI, a súa X Gala de Confraternidade. Nela, varias empresas e institucións destacadas pola súa colaboración con este corpo de seguridade serán distinguidas con diversos premios.
Esta X edición da Gala de Confraternidade coincide con outros dous aniversarios sinalados, como son os 125 anos de existencia da Policía Local de Vigo e os 25 cumpridos desde a entrada das primeiras mulleres como membros do corpo de seguridade municipal. É por iso que o lema da Gala será "125 anos de historia, 25 de igualdade e 10 de confraternidade".
Durante a celebración, que comezará ás 15.15 horas, a Policía Local entregará o seu Salacot de Honor ao pobo de Vigo, por colaborar co corpo durante os seus 125 anos de historia de xeito "fiel, leal, valeroso e benéfico". Está previsto que sexa a alcaldesa, Corina Porro, quen recolla este premio.
Os premios Corpos de Seguridade recaerán en diversas entidades e institucións de Vigo, como a Federación veciñal Eduardo Chao, o Instituto de Estudos Vigueses, o Real Club Náutico e a empresa Partenón.
Finalmente, o Salacot Institucional será para Valery Karpin polo seu apoio á Policía Local no ámbito do deporte.
Descargar todas as imaxes
Durante a celebración, que comezará ás 15.15 horas, a Policía Local entregará o seu Salacot de Honor ao pobo de Vigo, por colaborar co corpo durante os seus 125 anos de historia de xeito "fiel, leal, valeroso e benéfico". Está previsto que sexa a alcaldesa, Corina Porro, quen recolla este premio.
Os premios Corpos de Seguridade recaerán en diversas entidades e institucións de Vigo, como a Federación veciñal Eduardo Chao, o Instituto de Estudos Vigueses, o Real Club Náutico e a empresa Partenón.
Finalmente, o Salacot Institucional será para Valery Karpin polo seu apoio á Policía Local no ámbito do deporte.