O Goberno municipal apoia o "Festival Internacional Vertixe 14", de creación musical contemporánea
A Xunta de Goberno aprobou o venres unha subvención de 7.000 euros para que a Asociación Cultural Vertixe promocione a música a través dun programa de concertos que ofrece unha visión ampla da creación sonora internacional. Amais dedica 40.000 euros ao Concurso Internacional de Piano.
Abel Caballero explicou este martes que a edición de 2026 do Festival Internacional Vertixe ofrecerá 16 concertos e espectáculos de danza, dos que cinco son en Vigo, entre o 26 de setembro e o 3 de decembro.
Os auditorios do Museo MARCO e do conservatorio Martín Códax serán os escenarios dos concertos. O alcalde remarcou a participación de intérpretes de música contemporánea de Arxentina, Italia, Alemaña, España e de Galicia.
Concurso de piano
O Goberno municipal tamén aprobou a subvención de 40.000 euros para a décima edición do Concurso Internacional de Piano celebrado do 8 ao 14 de agosto.
Caballero destacou a presenza do actor Jeremy Irons durante o concerto a catro mans. “Foi memorable e iso é o que queremos que suceda en Vigo, música ao máis alto nivel que se pode practicar en ningún lugar”, afirmou.