O goberno local investiu preto de 800.000 euros no campo de fútbol de Bouzas nos últimos anos
O alcalde asistiu hoxe a finalización da obra de instalación dunha nova cuberta no campo de fútbol de Bouzas no que o goberno municipal invistiu nos últimos anos uns 800.000 euros.
O campo de fútbol Baltasar Pujales conta cunha nova cuberta, segundo comprobou esta mañá o alcalde de Vigo nunha visita na que estivo acompañado pola tenente de alcalde, Carmela Silva e a concelleira de Benestar Social, Yolanda Aguiar. Esta estrutura, cun investimento de 300.000 euros, incluíu a dotación de nova iluminación, así como a renovación das canalizacións para a recollida de augas do campo.
Caballero lembrou que o Concello reformou os vestiarios en 2025, mentres que en 2019 se renovou o céspede por un importe superior aos 350.000 euros polo que as inversións no campo ascenden a preto de 800.000 euros, “cartos moi ben gastados porque o Rápido de Bouzas ten moita base, con escolas deportivas no que participan moitos mozos e mozas”, incidiu o rexedor.