O Concello premia catro proxectos empresariais no marco de Vigo Emprende

O alcalde avanzou que se entregarán 4 galardóns: o Premio ao Impacto Social, o Premio á Innovación e Creatividade, o Premio ao proxecto consolidado e o Premio VigoEmprende 2025.

Tal e como explicou, Vigo Emprende é un servizo municipal de axuda e acompañamento a novos negocios ou a empresas que xa están traballando de forma gratuíta. “Atendemos as súas necesidades e guiámolos” desde a idea inicial ata a posta en marcha do proxecto empresarial e, durante o desenvolvemento empresarias, o Concello coopera na adopción de melloras. A dedicación anual é de 146.000 euros.

Desde o ano 2020, máis de 1200 persoas confiaron en Vigo Emprende e, neste tempo, creáronse 180 proxectos novos que xeraron máis de 250 empregos. Ao longo do ano o programa municipal realizou máis de 600 servizos de asesoramento individual sendo o máis demandado o servizo diagnóstico, que responde ás necesidades iniciais dos usuarios que acoden en busca de orientación integral para poñer as súas ideas desde cero: trámites, modelos de negocio, financiamento e obrigas legais.

A gala de entrega celébrase no MARCO ás 19 horas.