O XI Torneo de Nadal de Fútbol abre inscricións o 31 de outubro
A competición desenvolverase entre os días 26 e 28 de decembro en doce instalacións municipais. As inscricións deben realizarse a través da páxina web da Fundación VIDE.
Abel Caballero anunciou hoxe a apertura do prazo de inscrición para participar no XI Torneo de Nadal de Fútbol, unha cita xa consolidada no calendario deportivo da cidade. Segundo explicou, o torneo reunirá a arredor de 2.500 deportistas pertencentes a uns 175 equipos de toda a cidade e da contorna, o que consolida o evento como unha das citas máis multitudinarias do deporte base vigués.
O torneo celebrarase en 12 campos municipais de fútbol: Travesas, Navia, Candeán, Cotogrande – Santa Mariña, Meixoeiro, Monte da Mina (Castrelos), Matamá, A Bouza, A Guía, Xunqueira – Comesaña, San Miguel de Oia e o Federativo de Coia.
O alcalde destacou que o Torneo de Nadal é “unha magnífica oportunidade para o deporte xuvenil, coincidindo cunha época do ano na que a xente nova está de vacacións e pode gozar do fútbol e da convivencia”.
As inscricións deben realizarse a través da páxina web da Fundación VIDE.