O alcalde participa na apertura do novo espazo IKEA en Vialia
Durante o acto de inauguración, Abel Caballero trasladou a Benjawon Omark, directora de IKEA en Galicia, os mellores desexos para o “gran éxito” que augurou ao novo espazo en Vigo e celebrou a “capacidade de atracción de Ikea por prezo, calidade e atención”. O delegado do Goberno en Galicia, Pedro Blanco, e o delegado de Zona Franca, David Regades, así como o director de Vialia, Juan Louro, estiveron presentes na apertura na que Caballero felicitou ao persoal de Ikea e a todos os traballadores de Vialia animándoos a seguir "neste proceso de unidade de Vigo, que nos dá a forza. Ofertamos unha cidade amable e amigable”.
