VigoCultura despregará 26 espectáculos para todos os públicos na rúa e no Auditorio Municipal
Abel Caballero presentou hoxe, coa primeira tenente de alcalde e os concelleiros de Cultura e Seguridade, o programa de VigoCultura, que desenvolverá o Concello durante os meses de outubro e novembro. “VigoCultura é a crónica dun éxito consolidado porque conta cunha oferta cultural que a cidade demanda con enorme insistencia pola calidade que alcanzou durante todos os anos de programación", afirmou.
O rexedor explicou que durante os próximos dous meses o Concello despregará 26 espectáculos, dos que dous se realizarán na rúa do Príncipe e en Porta do Sol, e o resto no Auditorio Municipal con 15 actuacións para público adulto e 9 para toda a familia. O rexedor adiantou que o venres 3 de outubro, a partir das 20:00 horas, a rúa do Príncipe e a Porta do Sol serán escenarios do espectáculo de pasacalles, circo e cultura, “Pilots”, de A Finestra Nou Circ. Acto seguido, o sábado 4 de outubro, está programado, tamén ás oito da tarde, o espectáculo “A viaxe imposible. Tributo a Julio Verne” de Pablo Méndez Performance.
O cartel de representacións programadas no Auditorio Municipal comezará o venres 10 de outubro para finalizar o domingo 30 de novembro. As representacións para familias terán lugar os domingos e as dos adultos os venres e sábados.
Caballero explicou que existe a posibilidade de abonos á carta para asistir a 5 ou 10 representacións, con descontos do 10 e 25 por cento; así como dun 30 por cento para os menores de 25 anos que adquiran entradas soltas. O Concello reserva 4 espazos para persoas con mobilidade reducida e asentos para os seus acompañantes.
O luns 29 de setembro, a partir das 10.00 horas poderán adquirirse as entradas na librería Libros para soñar (rúa Triunfo, 1), a través da web www.giglon.com e o mesmo día do espectáculo na billeteira se hai entradas dispoñibles.
Programa para adultos no Auditorio Municipal
Outubro:
- Venres 10, “Música para Hitler”, de Talycual Produciones.
- Sábado 11, estrea de “Miss bujía”, coa viguesa Marta Larralde.
-Venres 17: “O monstro de White Roses”, de O Aedo Teatro.
- Sábado 18: “Éche unha risa” , monólogos con Arantxa Treus, Xasmín Abuín e Darío Mares.
-Venres 24: “Trash” con Yllana&Tothem.
- Sábado 25: “Guerra” de Teatro do Noroeste.
- Venres 31, “As preciosas ridículas”, de Arroz con Costura.
Novembro:
- Sábado 1: “Nevenka”, de Histrión Teatro.
- Sábado 8: “Xoguetes rotos”, de Barrosanta e Butaca cero.
- Venres 14 de novembro: “Cicatriz” de Kirenia Danza. - Sábado 15: “Camiño das Rocas”, concerto de Pablo Lesuit.
-Venres 21: “O espírito de Vania”, con Machi Salgado e Rubén Abad. - Sábado 22: “Shophie non e meu nome de guerra”, de Redrum Teatro.
- Venres 28: “Un deus salvaxe” de Talía Teatro.
- Sábado 29: “Metamorfose” de Sarabela Teatro.
Programa público familiar
Outubro:
- Domingo 5: “Bulebule”, de Náufragos Teatro.
- Domingo 12: “Viaxe ao planeta de todo é posible”, de Indigo Teatro.
- Domingo 19: “A cincenta que non quería comer perdices”, de Sarabela Teatro.
-Domingo 26: estrea da obra “Ou arcón de Noa”, de Amarelo.
Novembro:
- Domingo 2: “Teatro de papel”, de Rauxa CIA.
- Domingo 9: “Momento musical para familias con Bebés”, de Bolboerta e Lydia Botana.
- Domingo 16: “Bichitos”, de Spasmo Teatro&Coma14.
- Domingo 23: “Conto de Nadal encapsulado a Dickens” de Societé Mouffette.
- Domingo 30: “Singularia”, de Maxia na Maxia
